منتديات تريبوليس
fنرحب بزوارنا الكرام في منتدانا تريبوليس
اتمنى منكم التسجيل في منتدانا والتمتع بمحتواه
وهذا المنتدى هو الرابط بيننا وبين محبي المعلومة والاطلاع
نتمنى لكم زيارة ممتعة
بحـث
 
 

نتائج البحث
 


Rechercher بحث متقدم

سحابة الكلمات الدلالية

المواضيع الأخيرة
» نكت ليبية 2013 مضحكة جدا
الإثنين أكتوبر 22, 2012 5:27 pm من طرف sakura

» في ليبيا فقط @__@
الأحد سبتمبر 23, 2012 3:57 pm من طرف sakura

» قصة جميلة 1212
الأحد سبتمبر 16, 2012 4:47 pm من طرف sakura

» قصة جميلة 1212
الأحد سبتمبر 16, 2012 4:45 pm من طرف sakura

» العمل عبر الانترنت
الجمعة يوليو 27, 2012 9:14 pm من طرف sakura

» عمل بطاقة ائتمان
الإثنين مايو 14, 2012 2:17 pm من طرف sakura

» شركة depacco
الإثنين مايو 14, 2012 2:10 pm من طرف sakura

» فيلم ناروتو شيبودن الثامن blood prison
السبت مايو 12, 2012 7:37 pm من طرف sakura

» البنك الالكتروني paypal2011
الجمعة مايو 04, 2012 2:35 pm من طرف sakura

أبريل 2014
الأحدالإثنينالثلاثاءالأربعاءالخميسالجمعةالسبت
  12345
6789101112
13141516171819
20212223242526
27282930   

اليومية اليومية

التبادل الاعلاني

انشاء منتدى مجاني




نكت ليبية 2013 مضحكة جدا

استعرض الموضوع السابق استعرض الموضوع التالي اذهب الى الأسفل

نكت ليبية 2013 مضحكة جدا

مُساهمة  sakura في الإثنين أكتوبر 22, 2012 5:27 pm



* 10 مجانين اتفقوا يلعبو لعبة قص الشارع واللي تعفسه سيارة يطلع من اللعبة؟؟

* مرة فيه زوز مجانين يلعبوا فوق الحيط، واحد طاح في خزان الميه... امشي الثاني انزل بيتلاقاه من الشيشمة.

* زوز سكارة يتخاصموا الأول يقول الوقت نهار والثاني مصر علي ان الوقت ليل... خطم عليهم واحد سكران زيهم سألوه علي الوقت نهار والا ليل... قاللهم: سامحوني يا جماعة راني منسكنش هني.

* * فيه حوات يصطاد في الحوت بالسنارة... اكمل منه الطعوم... نصب بي فولة... شد واحد عجيلي.

* واحد ماشى فى الشارع لقي زحمة وفيها واحد يصيح ويقول... حماتى حماتى... جاه وقاله... خيرها حماتك... رد عليه... الحمار...
الحمار رفسها موتها... قاله والناس هادي كلها جاية تعزى!! قاله لا... هادم جايين يبو يشروا الحمار.

* ترهونية شرت خلاط... داراته غسالة شغاشير.

*مصري وتونسي وترهوني حكموا عليهم بالموت، وخدوهم للساحة في وسط المدينة... وخيروهم في طريقة الاعدام.
المصري اختار الاعدام شنقا... شنقوه وقتي... والتونسي اختار الموت بالكرسي الكهربائي... فكان محظوظ... لان الكهرباء قاطعة فعفوا عليه.
وجي دور الترهوني... سألوه "كيف تبي تموت؟"... قاللهم... رميا بالرصاص... واحد من الجمهور ... قاله "علاش ماقولتش بالكرسي الكهربائي"... الترهوني طوالى رد عليه مش قالوالكهرباء قاطعة.

* فيه عائله ليبية تسكن جنب عائله مصريه وكان الزوج المصري يغازل زوجته ويقول: "حبيبتي شايفه القمرهناك"... قالتله ايوه يا حبيبي قاللها انتي احلى منه... سمع الليبي هذا الكلام فقال لزوجته"رجعة": "تشوفي في القمر يارجعة" ردت عليه ايوه... تحسابني عورة زي اختك.

* فيه مرة واحد فمه مائل "ادفل" خشت فى و دنه.

* واحد بخيل... قرر يدير موقع على الانترنت سماه www.don’t come

* فرنساوية وأنكليزية وعربية أتفقوا يخلوا رجالتهم يساعدوهم في شغل الحوش... غابو علي بعض شهر، بعدين تلاقو...
قالت الفرنساوية والله أول يوم باهي فرش الكريولة، ثاني يوم ساعدني في المطبخ... يعني ماشي حاله...
قالت الانكليزية والله أول يوم ناض دار قهوة، ثاني يوم غسل شخشيره... يعني بيمشي حاله مع الايام...
قالت العربية أول يوم ما شفت شي، تاني يوم ما شفت شي، ثالت يوم وليت نشوف بعيني اليمين شوية...(يعني اعطاها طريحة).

* واحد رجباني ماشي في الشارع لقي تزدان ولقي فيه فلوس... فرح... ولقي فاتورة كهرباء وتليفون... امشي خلصهم؟؟؟

* فيه مدرس سأل واحد من التلاميذ... شنو الحيوان اللي يصحيك لصلاة الفجر قال التلميذ بابا.

* مصري وترهوني اتلاقوا في الباص... المصري قال للترهوني "ح اعلمك حاجة تعيش منها... فن السرقة"
قال الترهوني "يلا ورينا "...
قال المصري "شوف رح اعمل ايه"... حط المصري يده في جيب واحد واخذ تزدانه بدون ما يحس به.
نزلو من الباص... وقال الترهوني للمصري... توا اني نعلمك حاجة متنساهاش طول عمرك... وبدي يصيح يابوليس تعال... خانب خانب تزدان.

* واحد ترهوني قال لولده: برا اسقي الغرس في الجنان... قال الولد: بابا المطر تصب... قاله بوه: هذا مش عذر خود معاك مضله.

* رجباني شرا تاكسي... ماشي بها في الشارع... الناس ياشروله ويقولوله: تاكسي تاكسي... يقوللهم: عارف والله عارف.

* دكتور عظام طلع فى الليل جروا وراه تم التحرير من الادارة

* ترهوني يجري وراء خانب... سبقه.

* ترهوني نزل للمدينة شاف جسر للسيارات قال: الله يبارك في الحكومه إللي ترفع في الشوارع بعيد علي الصغار.

* طبس ولد ترهوني علي بير... شاف وجهه علي الميه... يحسابه خانب... امشي لامه وقاللها "امي فيه خانب لابد في البير”...
جت الام تجري للبير وطبسوا مع بعضهم وقالت: والله حق... هو ومعاه وحده.

* رجباني نزل المدينة شاف نافورة امشي جاب سباك.

* ترهوني امشي بيشري مسجل ( ستيريو) قال لصاحب المحل نبي مسجل كويس...اعطاه واحد... اقعد الترهوني يجرب فيه ماعجباش….
علاش؟؟... لان السماعتين تغني في نفس الأغنيه.

* المعلم للتلميذ: لماذا تأخرت عن المدرسة.
التلميذ: لأن أبى كان يضرب أخى.
المعلم: وماعلا قتك بهم.
التلميذ: لأن أبى كان يضرب فى أخى بحذائى.

* مره واحد يبي يقتل سمكة امشي غرقها.

* شباب يضربو في ترهوني... فكل مايضربوا يضحك... فسالو عن سبب الضحك فقال انا متأكد انكم الكاميرا الخفيه.

* واحد ترهوني إنحرق حوشه... امشوا الجيران كلهم حرقوا بيوتهم... علاش؟؟؟؟؟ لأن المطافي جاية جاية... .

* علاش التراهنة يفتحوا في الثلاجة بالشوي شوي ؟؟؟؟؟ يبوا يشوفوا من يشغل في الضوء.

* قالك مرة واحد طلع علي برنامج من سيربح المليون، ساله جورج عن مثل شعبي فقاله عصفور بالايد احسن من:
(1) 3 عالشجرة (2) 10عالشجرة
(3) 5 عالشجرة (4)7 عالشجرة
فقاله والله الافضل اني انسحب... وعصفور بالايد احسن من عشرة عالشجرة.

* فيه ترهوني طاحت فلوسه من الدور السادس نزل ما لقاهاش... علاش؟؟ نزل قبل الفلوس.

* مره فيه واحد ترهوني مسافر بالحافلة... قاله اللي قاعد جنبه: انا بردان من الشباك ، ردعليه الترهوني: تشرفنا وانا خليفة من ترهونة.

* مرة واحد ترهوني خش محل ادوات منزلية وكهربائية وسأل البياع: قداش ثمن التلفزيون قاله البياع ما نبيعوش للتراهنة... استغرب كيف البياع عرف انه ترهوني... ثاني يوم تنكر ورجع للمحل وسال نفس السؤال، اخذي نفس الجواب. بعد اسبوع عجز الترهوني وسأل البياع:
كيف عرفت اني ترهوني... قاله البياع يا اخ اللي تاشر عليه فرن مش تلفزيون.

* مجنون خش لسنفاز وسأله: عندك 2000 سفنزة بالدحي جاهزة... قاله السنفاز لا... ثاني يوم ثالث يوم اسبوع كامل يسأل في السنفاز
نفس السؤال... اخيرا قرر السنفاز باش يجهز 2000 سفنزة بالدحي سهر الليل كله و جهز هداكاه السفنز... وفي الصبح جاء الترهوني زي العادة وساله: عندك 2000 سفنزة بالدحي جاهزة... قاله السنفاز: ايوه عندي، قاله المجنون: تي غير شنو يبيع هملك.

* امراءة متعودة ديمة تتكلم في التلفون ثلاث اربع ساعات... وفي مرة شافها راجلها اتكلمت ساعة واحدة بس... فسألها شنو السبب؟؟
قالته: لا ما فيش حاجة بس النمرة طلعت غلط.

* واحد ترهوني معاه قنبلة يلعب بيها... جاه راجل وقاله... رد بالك راهو تنفجر... فقاله ما تخافش عندي غيرها.

* عصابة اتفقت على سرقة بنك محوط بسور... وحطو خطة محكمة... امشوا يستطلعوا في المكان... لقوا جرار يهدم في السور... قالو:
اي والله حال خلاص الخطة فشلت.

* واحد ترهوني في غرفة الاعدام... قالوله توصي حاجة؟؟...فمردش عليهم... امشوا حطوا الطاقية السوده علي راسه، وخلاص بيعدموه...
قاللهم نحوا بلاش بصارة... بننخنق يا اولاد الكلب.

* رجباني قال لأبوه: يا بوي نبي هوندا... قاله بوه: وخيرها فاطمه بنت عمك... قاله: يابوي هوندا سياره... قاله: وبنت عمك فاطمه جمل.
(الاب فهم علي ان هوندا بنت طيبة وتساير. فرد عليه ان فاطمة "جمل" ويعني صبورة وتتحمل).

( واحد فمه معوج تفل خشت فى وذنه )

واحد شيبانى سألوه قالولا شنى رايك فى المراه الليبيه قاللهم زى السياره الشيوعيه مافهاش منظر لكن تتحمل

اتمنى ان تنال اعجابكم

sakura

sakura
مديرة الموقع
مديرة الموقع

عدد المساهمات: 96
نقاط: 294
السٌّمعَة: 0
تاريخ التسجيل: 30/09/2011
العمر: 20

http://tripolis.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

صلاحيات هذا المنتدى:
لاتستطيع الرد على المواضيع في هذا المنتدى